Европскиот Центар за Малцински Прашања, го одбележа завршувањето на успешната иницијатива “НВО Мрежа за подобрување на меѓуетничките односи во Република Македонија”, на 30 август во хотелот Holiday Inn, преку кратка презентација на на активностите и резултатите на проектот од страна на, Г-ѓа Ева Чулински, Заменик Директор на ЕЦМП и Г-ин Роберт Шуп, Шеф на ЕЦМП програмата во југо-источна Европа. На презентацијата зедоа учество и претставници на новоформираните НВО Регионални коалиции од Куманово, Битола и Тетово, преку презентерање на на нивната мисија, цели и планови.

Од нејзиното востановување во 2001, ЕЦМП НВО Мрежата брзо се разви во динамична мрежа управувана од членките, со цел подобрување на меѓуетничките односи преку промовирање на соработка помеѓу НВО членките во идентификувањето на заедничка основа во делувањето по прашања поврзани со унапредување на меѓуетничкиот дијалог во Република Македонија. Мрежата составена од 78 локални организации работеше постојано во насока на зголемување на кредибилитетот на НВОи при застапувањето на нивните локални заедници и градењето на капацитетите на локалните НВОи преку конципирање и имплементација на заеднички проекти.

Во изминатата година, преку координативното тело, ЕЦМП фасилитираше во елаборирање на стратегија за наредниот период која е дизајнирана да обезбеди понатамошен развој и одржливост на оваа иницијатива. Оваа стратегија сега е комплетирана и нуди јасни докази за успехот на оваа долготрајна иницијатива на ЕЦМП. Како дел од стратегијата за одржливост и понатамошен развој, самите членови на мрежата ја дизајнираа и отпочнаа имплементацијата на следните напредни и особено интересни иницијативи:

• Воспоставувањето на Регионалните коалиции во Битола, Тетово и Куманово како формални коалиции кои примарно ќе функционираат на општинско ниво
• Создавање на независна национална НВО Мрежа – Иницијативи за развој на општеството, која ќе функционира со нова мисија која ќе се фокусира на економскиот развој преку учество, интеграција и еднакви можности
• Развој на секторски мрежи (еколошка мрежа, младински мултикултурни иницијативи, мрежа за образование и работна група за малцинки прашања

За повеќе информации: grdanoska@ecmimacedonia.org

Истражување на Експертските Групи при иницијативата Ромски Експертски Групи за Ромска Интеграција

Експертските групи за интеграција на Ромите започнаа со своите истражувања и се очекува до крајот на месец мај да завршат со работа на терен.
Групите се подделени во седум истражувачки тимови и темите на истражувањата се во четири области ( здравство, образование, вработување и права на граѓаните). По завршувањето со истражувањето на терен, дел од членовите на експертските групи ќе поминат обука за обработка на податоци , и заедно сите обука за пишување на извештај по спроведено истражување. По завршувањето на овие обуки секој истражувачки тим ќе работи на обработка на податоците од нивното истражување и ќе напишат извештај по спроведеното истражување, во кој ќе бидат вметнати и одредени препораки кои се однесуваат на подобрување на положбата на припадниците на Ромската заедница, а кои се насочени кон Владата на РМ.

За повеќе информации: ibrahimi@ecmirom.org

Презентација на ЕЦМИ проектите „ Ромски Експертски Групи за Интеграција“

Во светло на лансирањето на Декадата на Ромите и прославата на 8 Април, Меѓународниот ден на Ромите, ЕЦМИ ја организираше првата заедничка средба на Ромските Експертски Групи за Интеграција на Ромите. ЕЦМИ проектот беше официјално претставен пред идните релевантни актери за интеграцијата на Ромите: претставници на различити министерства, политички партии, политички партии, медиуми, меѓународни организации итн. Во текот на презентацијата на проектот, во прегледот на минатите и сегашните активности беше даден и краток преглед на идните активности до и после Септември 2005. Експертските групи се покажаа како компетентни и професионални експерти кои ги најавија нивните истражувачки проекти:

ЕЦМИ Експертската група за Образование ќе ги направи следните истражувања во периодот Април – Јуни 2005:

ЕЦМИ Експертската група за Граѓански права ќе ги направи следните истражувања во периодот Април – Јуни 2005:

ЕЦМИ Експертската група за Здравство ќе ги направи следните истражувања во периодот Април – Јуни 2005:

ЕЦМИ Експертската група за Вработување ќе ги направи следните истражувања во периодот Април – Јуни 2005:

Септември ќе биде месец на крајните резултати на истражувањата каде широката јавност и клучните актори за Интеграцијата на Ромите ќе бидат повикани. Групите во иднина ќе бидат линк помеѓу Владата, политичките партии и меѓународните организации – заедно тие би можеле да играат значајна улога како идни агенти на промените.
За повеќе информации: ibrahimi@ecmirom.org

Активности за презентација на препораките на Иницијативата за стратешки дијалог на регионално и локално ниво

Локалниот форум во Тетово се одржа во просториите на Универзитетот на Југоисточна Европа, на 29 Март со цел презентација на препораките изработени во рамките на ЕЦМП Иницијативата за стратешки дијалог. Локалниот форум беше организиран во соработка со локалната коалиција на НВОа од Тетово, пред се при идентификувањето на заинтересираните страни во локалната заедница. Презентери на препораките беа: Веби Беџети (образование), Благоја Наневски (економија), Сузана Салиу (човекови права) и Дончо Донев (здравство).
50 гости го следеа настанот, меѓу кои и новите членови на Советот на Градот, Директори на основните и средните училишта од Тетово, Акадамици од Универзитетите во Тетово, Здравствени работници и раководители од Градската Болница, како и бизнисмени од Тетово.
Отворениот форум беше покриена од локалните медиуми на албански и македонски јазик.

Локаниот форум во Куманово, одржан на 30 Март, на кој се презентираа препораките од ЕЦМП Иницијативата за стратешки дијалог, беше посетен од над 70 луѓе. Настанот, одржан во ресторанот Рим-Парис, беше ораганизиран во соработка со Коалицијата за меѓуетничка соработка, локален партнер на ЕЦМП.
Презентери на препораките беа: Соња Арсовска (образование), Сузана Салиу (човекови права), Марија Зарезанкова–Петковска (економија) и Владимир Лазаревски (здравство).
Меѓу присутните беа и водечкиот кандидат за Градоначалник, советниците во Градскиот Совет, високи претставници од Министерството за внатрешни работи, пратеници во Парламентот од Куманово, претставници на Министерството за образование и Бирото за развој на образованието.

Локаниот форум во Битола, одржан на 31 март во хотел “Епинaл”, беше организиран во соработка со локалната НВО коалиција “Центар за Демократска Иницијатива ” , Битола.
Презентери на препораките беа: Тихомир Јовановски (економија), Дијана Георгиевска (здравство), Мирослав Стојанов (образование) и Филип Стојановски (човекови права). На настанот имаше околу 50 посетители и тоа: претставници на Универзитетот во Битола, Министерството за внатрешни работи, како и претставници на НВО секторот.
На локалниот форум беа присутни и локалните печатени и електронски медиуми.

Во хотелот Турист, Крива Паланка се одржа презентација на препораките од областа на човековите права, образованието, здравството и економијата, изработени во рамките на ЕЦМП Иницијативата за стратешки дијалог. Презентацијата е дел од промотивната кампања за запознавање на јавноста со препораките и можноста за нивно имплементирање на локално ниво. Презентери беа претставниците на Коалицијата за меѓуетничка соработка од Куманово и тоа: Лидија Илиевска која ги презентираше препораките за образование, Живка Христовска за здравство, Нако Николовски за човекови права и Свето Стојановски за економија.

Трибина на тема “Образование и препораки за подобрување на образовниот систем во Македонија” беше одржана на 14 март во хотел Битола. На трибината, м-р Мирослав Стојанов, д-р Методија Стојановски и др. Дијана Горѓиевска, претставници на работнита група за образование на ЕЦМП Иницијативата за стратешки дијалог, ги презентираа препораките за образование. На трибината зедоа учество околу 40 битолчани, директори и наставници на средни и основни училишта, професори и студенти од педагошкиот факултет, претставници на НВО секторот и локалните медиуми.
Трибината е дел од промотивната кампања за запознавање на јавноста со изработените препораки од областа на човековите права, образованието, здравството и економијата, во рамките на ЕЦМП Иницијативата за стратешки дијалог

НВО коалиција “Центар за демократски иницијативи”, Битола на 18 март организираше трибина на тема здравство во високата медицинска школа во Битола, на која беа презентирани препораките од работнита група за здравство, дел од ЕЦМП Иницијативата за стратешки дијалог. Препораките беа презентирани пред здравствените работници, претставниците на НВО секторот и медиумите од Битола, од страна на Др. Дијана Горѓиевска и Др. Сузана Сулејман, членови на работната група за здравство. Преку дискусијата, присутните ги дадоја своите позитивни оценки за препораките и даваа предлози за нивно имплементирање на локално ниво.

Коалицијата за меѓуетничка соработка од Куманово, преку своите претставници, Феат Камберовски и Соња Арсовска, на 18 март беше гостин во емисијата “Отворено за” на РТВ Куманово. Целта беше презентирање и дискусија за препораките од работнита група за образование, дел од ЕЦМП Иницијативата за стратешки дијалог. Во текот на емисијата, на кратко беа претставени и целите и активностит на Коалицијата за меѓуетничка соработка која ги имплементира своите активности на ниво на општина Куманово.
Гостувањето во емисијата е дел од промотивната кампања за запознавање на јавноста со изработените препораки од областа на човековите права, образованието, здравството и економијата, во рамките на ЕЦМП Иницијативата за стратешки дијалог.
nasokovska@ecmimacedonia.org

Како дел од тековната иницијатива на ЕЦМП - “Ромски експертски групи за интеграција на ромите”, се одржа тренинг од 4 до 6 фебруар во Сандански, Република Бугарија. На тренингот беа разработени 5 модули:

· Комуникациски вештини
· Презентациски вештини
· Фасцилитирање и модерирање на сесии
· Лидерство
· Вештини на истразување
· вештини на пишување на извештај

Професорот Цветко Смилевски од центарот Детра, беше тренер на овој тренинг.
За повеќе информации: ibrahimi@ecmirom.org